थानकोट ।

चन्द्रगिरि नगरपालिका- ४ थानकोटमा गोदाममा रोकिराखेको ट्रकमा मोटरसाइकल ठोक्किँदा मोटरसाइकल चालक गम्भीर घाइते भएका छन् ।

शुक्रबार बेलुकी कलंकीतर्फ आउँदै गरेको बा ८२ प ११०७ नम्बरको मोटरसाइकल सडक छेउमा रोकिराखेको ना ६ ख ५४९२ नम्बरको ट्रकमा ठोकिएको थियो ।

ट्रकमा मोटरसाइकल ठोक्किँदा सख्त घाइते भएका मोटरसाइकल चालक बर्दियाका ४९ वर्षीय राजन चौधरीको बल्खु स्थित बयोधा अस्पतालमा उपचार भइरहेको प्रहरी वृत्त थानकोटले जानकारी दिएको छ ।