थानकोट ।

रोजगारीका लागि मध्यपूर्वी मुलुकमा युनाइटेड अरब इमिरेट्स (युएई) मा रहेका २४ जना नेपालीको मृत्यु भएको छ । युएईस्थित नेपाली दूतावासले साउन महिना भित्र उनीहरुको मृत्यु भएको जनाएको छ ।

गत आर्थिक वर्ष २०७८/७९ मा वैदेशिक रोजगारीको सिलसिलामा युएई गएकामध्ये १७४ जनाले ज्यान गुमाएका थिए । ज्यान गुमाउनेमध्ये १६७ जनाको शव नेपाल ल्याइएको थियो भने ७ जनाको अन्तिम संस्कार युएईमा नै गरिएको थियो ।

गत आर्थिक वर्ष युएईमा मृत्यु भएकाको परिवारलाई सम्बन्धित कम्पनीले क्षतिपूर्ति स्वरुप ३२ लाख ७५ हजार ७६३ युएई दिराम प्रदान गरेका थिए ।