थानकोट ।

नेपाली राष्ट्रिय क्रिकेट टिमका कप्तान सन्दीप लामिछानेविरुद्ध नाबालिका बलात्कारको आरोपमा प्रहरीमा उजुरी परेको छ ।

उपत्यका प्रहरी कार्यालय रानापोखरी प्रमुख एआईजी रवीन्द्रबहादुर धानुकका अनुसार कप्तान सन्दीपविरुद्ध प्रहरी वृत्त गौशालामा नाबालिका बलत्कारको उजुरी परेको हाे ।

हालै सन्दीपको कप्तानीमा नेपालले केन्यासँग पाँच खेलको टी–२० अन्तर्राष्ट्रिय क्रिकेट सिरिज खेलेको थियो । केन्याविरुद्धको सिरिज नेपालले ३–२ ले जितेको थियो ।

सिरिजपछि सन्दीप क्यारेवियन प्रिमियर लिग खेल्न वेष्ट इन्डिज गएका थिए । जमैका तालावाजमा आबद्ध रहेका सन्दीप अहिले वेष्ट इन्डिजमै छन् । उजुरी परेपछि अनुसन्धान सुरु गरेकाे प्रहरीले जनाएकाे छ ।