थानकोट, चैत्र ६ ।

चन्द्रागिरि नगरपालिका बलम्बुस्थित बलम्बु सहकारी समुहले चन्द्रागिरि नगरको विभिन्न ऐतिहासिक जात्राहरू शिर्षकमा फोटो प्रतियोगिता गर्ने भएको छ । संस्थाद्धारा जारी विज्ञप्तीका अनुसार आजबाट सुरू भएको प्रतियोगितामा इच्छुकहरूले चैत्र २० गतेसम्म फोटो पेश गर्न सक्नेछन् ।

चन्द्रागिरि नगरक्षेत्रका विभिन्न जात्रा एवं परम्परामा केन्द्रित रहेर खिचिएका फोटाले प्रतिस्पर्धा गर्न सक्ने बताइएको छ । प्रतियोगिताको विजेताले १० हजार, उपविजेताले ७ हजार पाँच सय र तृतिय हुने फोटोले ५ हजार रूपैयाँ नगद पुरस्कार पाउने सहकारी समुहका अध्यक्ष सत्यराज श्रेष्ठले थानकोट टाइम्सलाई जानकारी दिनुभयो । उत्कृष्ठ तस्बिहरू वि.संं २०७९ सालमा समुहले प्रकाशित गर्ने क्यालेण्डरमा समावेश हुने बताइएको छ । चैत्र २३ गते प्रतियोगिताको विजेता चयन हुनेछन् ।