थानकोट ।

प्रहरी वृत्त थानकोटले मोटरसाइकल चोरीको कसुरमा एक  युवालाई चोरीको मोटरसाइकलसहित पक्राउ गरेको छ । चन्द्रागिरि १२ मुखिया गाउँ बस्ने बिक्की रोक्काले चन्द्रागिरि १ दहचोक बस्दै आएका राम बहादुर तामाङको बा. प्र -०२-०२८ प ९२२२ नं को मोटरसाइकल चोरी गरेको आरोप  छ ।

रोक्कालाई उक्त मोटरसाइकलको नम्बर प्लेट परिवर्तन गरि चलाइरहेको अवस्थामा शुक्रबार दहचोकस्थित पेट्रोलपम्प नजिकैबाट नियन्त्रणमा लिइएको प्रहरी वृत्त थानकोटका प्रमुख डिल्लीनारायण पाण्डेले जानकारी दिनुभयो ।

श्रावण १८ गते मोटरसाइकल चोरी गरेपछि रोक्काले नम्बर प्लेट परिवर्तन गरि बा.प्र.०२-३७ प ०४६५  बनाएको प्रहरीले जनाएको छ । मोटरसाइकल चोरीमा संलग्न बिक्की रोक्कामाथि  मुलुकी अपराध संहिता ऐन, २०७४ अनुसार चोरी सम्बन्धी कसूरमा प्रहरी वृत्त थानकोटले थप अनुसन्धान गरिरहेको बताइएको छ।