थानकोट ।

नेपाल प्रहरीले चन्द्रागिरि-४ थानकोटमा एउटा राँगोलाई गोली हानेको छ ।

स्थानीयबासीमा आतंक मच्चाएपछि प्रहरी वृत्त थानकोटबाट खटिएको प्रहरी टोलीले उक्त राँगोलाई गोली हानेको थानकोट प्रहरी वृत्तका प्रमुख डिल्ली नारायण पाण्डेले थानकोट टाइम्सलाई जानकारी दिनुभयो ।

प्रमुख पाण्डेका अनुसार नेपालगञ्जबाट गाडीमा ल्याइएको उक्त राँगो चन्द्रागिरि-३ खरीबोटमा शुक्रबार बिहान ३ः३० बजे गाडीबाट झार्ने क्रममा भागेको थियो । भाग्ने क्रममा सो राँगो मुल सडकबाट  खरिबोट-त्रिभुवन पार्क- चेकपोष्ट- घुमाउने हुँदै गोदाम पुगेर स्थानीयको मकैबारीमा पसेको थियो । राँगोलाई नियन्त्रणमा लिन सम्भव नदेखिएपछि प्रहरीले एक राउण्ड गोली हानेको हो । सो क्रममा कुनै मानवीय क्षति नभएको प्रहरीले जनाएको छ ।

सांकेतिक तस्बिर