थानकोट ।

नेपाली बालकलाकार प्रसुनजंग पोखरेलले थाइल्याण्डमा हुने अन्तर्राष्ट्रिय प्रतियोगितामा प्रतिस्पर्धा गर्ने भएका छन् । ब्राइट फ्युचर सेकेण्डरी स्कुल, नैकापको कक्षा ९ मा अध्ययनरत उनले बैंककमा हुने टिन स्टार इन्टरनेशनलमा नेपालको प्रतिनिधित्व गर्न लागेका हुन् ।

परिवर्तन इभेन्ट हाउसले १० वर्षदेखि राजधानीमा आयोजना गर्दै आएको नृत्य, गायन तथा अभिनयको प्रतिस्पर्धात्मक कार्यक्रम डीएसए (डान्स, सिंगिङ एन्ड एक्टिङ) सिंगिङ स्टार २०१९ को विजेता भएवापत प्रसुनले सो प्रतिस्पर्धामा भाग लिने अवसर पाएका हुन् ।

सौन्दर्य प्रतियोगिताको शैलीमा हुने प्रतिस्पर्धामा प्रसुनले परिचय राउन्डदेखि ट्यालेन्ट, नेसनल ड्रेसजस्ता विभिन्न चरणमा आफूलाई प्रस्तुत गर्ने बताए । ट्यालेन्ट राउण्डमा गीत र ड्रेस राउण्डमा राष्ट्रिय पोशाकमा सहभागी भई देशलाई चिनाउने उनले बताए ।