थानकोट ।

गत महिनाबाट सञ्चालनमा आएको डिजे लाउन्जको आगामी शुक्रबार औपचारिक उद्घाटन गरिने भएको छ । सञ्चालक देवकुमार महर्जनका अनुसार उद्घाटन कार्यक्रममा सुरताल सांगितिक समुह, गायक सुभाष मण्डल, ममता राई लगायतका ख्याती प्राप्त कलाकारहरूले ‘लाइभ’ प्रस्तुति दिनेछन् ।

चन्द्रागिरि ११ सतुंगल ओरालोस्थित मुक्तिनाथ कम्प्लेक्समा रहेको लाउन्जले सो अवसरमा सेवा उपभोगमा विशेष छुट दिने बताइएको छ । चन्द्रागिरि नगरका प्रमुख तथा उपप्रमुखबाट लाउन्ज उद्घाटनको कार्यक्रम राखिएको सञ्चालक महर्जनले जानकारी दिनुभयो । सो अवसरमा मुक्तिनाथ कम्प्लेक्सको समेत उद्घाटन हुने बताइएको छ ।