थानकोट ।

त्रिभुवन विश्वविद्यालयले असार २२ गते बीबीए छैटौं सेमेष्टरका लागि लिएको परीक्षा रद्द गरेको छ । व्यवस्थापन संकाय तर्फको ‘एमजीटी २०३ : अर्गनाइजेसन बिहेवियर ’ विषयको परीक्षा रद्द गरेको हो ।

त्रिविले शुक्रबार सूचना प्रकाशित गरेर लिइसकेको उक्त परीक्षा रद्द गर्ने जानकारी गराएको छ । उक्त विषयको परीक्षा साउन १ गते हुने त्रिवि परीक्षा नियन्त्रण महाशाखाले जानकारी गराएको छ ।

मोर्डन नेपाल कलेजले ‘प्रिबोर्ड’ का लागि लिएको प्रश्नसँग त्रिविको प्रश्न हुबहु मिलेपछि परीक्षा रद्द गरिएको हो ।