थानकोट ।

काठमाडाैंको डल्लुस्थित विजेश्वरी ज्ञान मन्दिर सैनिक महाविद्यालयको आयोजनमा भएको  प्रधान सेनापती कप छात्रा तेक्वान्दो प्रतियोगितामा घरेलु टोलीले पहिलो स्थान हात पारेको छ ।

बिहीबार सम्पन्न प्रतियोगितामा ७ स्वर्ण, ३ रजत तथा ५ काँस्य पदक प्राप्त गरी आयोजक विजेश्वरी ज्ञान मन्दिर सैनिक महाविद्यालय ‘टिम ए’ ले टिम प्रथमको उपाधि जितेको हो ।

प्रतियोगितामा ‘द राइजिङ्ग फाइटर तेक्वान्दो डोजाङ्ग’की जेनी जोशी जुनियर तौल समूहतर्फको तथा आयोजक ‘विजेश्वरी ज्ञान मन्दिर सैनिक महाविद्यालय टिम-ए’की छात्रा एन्जिला मोक्तान एकल पुम्सेमा सर्वोत्कृष्ट अंक प्राप्त गरेकाले उत्कृष्ट खेलाडी घोषित भए।