थानकोट ।

काठमाडाैंमा जारी त्रिदेशीय महिला टी-२० क्रिकेट सिरिज अनतर्गत शुक्रबार भएको प्रतियोगिताको दोस्रो खेलमा थाइल्याण्डले नेदरल्याण्ड्सलाई ८ विकेटले पराजित गरेको छ। 

कीर्तिपुरस्थित त्रिवि मैदानमा नेदरल्याण्ड्सले दिएको १२३ रनको लक्ष्य थाइल्याण्डले २ विकेटको क्षतिमा पूरा गरेको हो । 

नेदरल्याण्ड्सले दिएको १२३ रनको लक्ष्य पछ्याएको  थाइल्याण्डले १८ ओभरमा पूरा गर्‍यो।

थाइल्याण्डका लागि नान्नापत कोन्चारोइनकाईले ५० बलमा ५ चौका प्रहार गर्दै नटआउट ५६ रन जोडिन्।

नेदरल्याण्ड्सका लागि आइरिस ज्विलिङ र क्यारोलिन डी ल्याङले १/१ विकेट लिए।

त्यसअघि टस जितेर पहिले ब्याटिङ गरेको नेदरल्याण्ड्सले निर्धारित २० ओभरमा ६ विकेटको क्षतिमा १२२ रनको स्कोर बनाएको थियो। 

सिरिजको तेस्रो खेलमा भोलि (शनिबार) नेपाल र थाइल्याण्डबीच प्रतिस्पर्धा हुनेछ।