थानकोट ।

संयुक्त राज्य अमेरिकास्थित अध्यागमन कार्यालयले अवैध आप्रवासीलाई घर फर्काउने सूची सार्वजनिक गरेको छ ।

डोनाल्ड ट्रम्प राष्ट्रपति बनेपछि अमेरिकी सरकारले अवैध आप्रवासीलाई घर फर्काउने प्रक्रिया जारी राखेको हो ।

यसैक्रममा अमेरिकाबाट निष्कासनमा पर्ने विभिन्न देशका १४ लाख ४५ हजार ५४९ जना आप्रवासीहरुको संख्या सार्वजनिक भएको छ ।

जसमा १ हजार ३ सय ६५ जना नेपाली पनि परेका छन् । त्यसैगरी होन्डुरसका २ लाख ६१ हजार ६५१ छन् । ग्वाटेमालाका २ लाख ५३ हजार ४१३ छन् भने मेक्सिकोका २ लाख ५२ हजार ४४ जना रहेका छन् । त्यस्तै एल साल्भाडोरका २ लाख ३ हजार ८२२, चीनका ३७ हजार ९०८, भारतका १७ हजार ९४० जना छन् अफगानिस्तानका १ हजार ७ सय ८ जना जना छन् भने अस्ट्रेलियाका २६१ जना रहेका छन् ।