थानकोट ।

चन्द्रागिरि नगरपालिका वडा नम्बर ८ मातातीर्थस्थित एक सिलाई केन्द्रमा आगलागी हुँदा करिब ५ लाख रुपैयाँ बराबरको धनमाल क्षति भएकाे छ।

मातातिर्थस्थित जनविकास मावि नजिकै सानुभाई मिजारले निर्माण गरेकाे सटर काेठामा लक्ष्मण नेपालीले सञ्चालन गरेकाे कपडा सिलाई केन्द्रमा मंगलबार बिहान आगलागी भएको प्रहरी प्रभाग मातातिर्थले जनाएको छ।

साे आगो चन्द्रागिरि नगरपालिकाको दमकल, नेपाल प्रहरी, सशस्त्र प्रहरी, नगर प्रहरी एवं स्थानीयको सहयाेगमा नियन्त्रणमा लिइएको स्थानीय जनप्रतिनिधिले जानकारी दिए ।

आगलागीबाट साे पसलमा रहेका सम्पूर्ण सामाग्री जलेकाे बताइएको छ।

आगलागीकाे कारण पहिचान हुन बाँकी रहेपनि विद्युत सर्ट भई आगाे लागेकाे प्रहरीको प्रारम्भिक अनुमान रहेकाे छ।

घटनाको बारेमा थप अनुसन्धान जारी रहेकाे प्रहरी वृत्त थानकोटले जनाएको छ।

तस्वीर: कार्यपालिका सदस्य, सवना कार्की बानियाँ