नागढुङ्गामा समातिए विनोद, रमन र गोविन्द

Thankot Times

थानकोट ।

चन्द्रागिरि नगरपालिका-२ नागढुङ्गाबाट प्रहरीले लागुऔषध खैरो हेरोइनसहित तीन जनालाई पक्राउ गरेको छ ।

बिहीबार नागढुङ्गास्थित चेक प्वाइन्टमा काँकडभिट्टादेखि काठमाडौंतर्फ आउँदै गरेको प्र.१–०१–००६ ख ४७९६ नम्बरको यात्रुवाहक बसमा चेकजाँच गर्ने क्रममा उनीहरूलाई लागुऔषधसहित पक्राउ गरेको हो ।

सो बसमा आएका गोविन्द बाला ले सो हेरोइन रमन महर्जन र विनोद तामाङले ल्याउन लगाएको प्रहरीलाई बयान दिएका थिए ।

त्यसपछि प्रहरीले  भारतीय नागरिक गोबिन्द बाला, धादिङ घर भई काठमाडौं बस्दै आएका रमन महर्जन र धादिङका विनोद तामाङलाई पक्राउ गरेको हो ।

प्रहरीले उनीहरूको साथबाट १५० ग्राम खैरो हेरोइन पनि बरामद गरेको छ ।

 


Leave a Reply

Your email address will not be published. Required fields are marked *

ट्रेन्डिङ