थानकोट ।

लायन्स क्लब अफ काठमाडाैं इन्द्र अन्नपूर्ण योगाको आयोजना एवं इन्द्र अन्नपूर्ण योग केन्द्रको सहआयोजनामा प्राथमिक उपचार सम्बन्धी एक दिने तालिम सञ्चालन गरिएको छ ।

बिहीबार चन्द्रागिरि नगरपालिका-१४ नैकापस्थित इन्द्र अन्नपूर्ण योगाको सभा हलमा आयोजित तालिम कार्यक्रममा करिब ६५ जनाले सहभागिता जनाएको लायन्स क्लब अफ काठमाडाैं इन्द्र अन्नपूर्ण योगाले जनाएको छ ।

प्राथमिक उपचारको अभावमा कसैले अकालमा ज्यान गुमाउन नपरोस भन्ने उद्देश्यका साथ अन्तर्राष्ट्रिय स्तरको प्राथमिक उपचार तालिम सञ्चालन गरिएको बताइएको छ।

हाल संयुक्त अरब इमिरेट्समा बस्दै आएका प्रशिक्षक ओम उप्रेतीले प्राथमिक उपचारका बारेमा प्रशिक्षण दिएका थिए ।

आकस्मिक उद्दार एवं घाइतेको उपचारमा प्रेरित हुन यस खालका तालिम कार्यक्रमले निकै अर्थ राख्ने सहभागीहरूले बताए ।

लायन्स क्लब अफ इन्द्रअन्नपूर्ण योगाले नियमित रुपमा विविध सामाजिक गतिविधिहरू आयोजना गर्दै आएको छ ।