नागरिकतामा पृथ्वी वा एकता नाँउ भएका व्यक्तिलाई चन्द्रागिरि केबलकारको टिकटमा ५०% छुट !
Thankot Times
२०८१ पुष २२ गते १८:५६
थानकोट ।
पृथ्वीनारायण शाहको झैं पोशाक लगाउनेलाई चन्द्रागिरि केबलकारको टिकट निःशुल्क उपलब्ध गराइने भएको छ ।
पाैष २७ गते पृथ्वी जयन्ती मनाइँदैछ ।
सो दिन चन्द्रागिरि केबलकार चढ्न चाहने जो कोहीले पृथ्वीनारायण शाहको झैं पोशाक लगाएमा चन्द्रागिरि केबलकारको टिकट निःशुल्क उपलब्ध गराइने कम्पनीले जनाएको छ ।
यस्तै, ८० वर्ष उमेर पूरा गरेका व्यक्ति, ३ फिट भन्दा कम उचाइ भएका बालबालिका र सो दिन जन्मदिन परेका व्यक्तिले समेत निःशुल्क टिकट पाउने कम्पनीद्धारा जारी विज्ञप्तीमा उल्लेख छ ।
यस्तै, नागरिकतामा पृथ्वी वा एकता नाउँ भएका व्यक्तिले केबलकारको टिकटमा ५० प्रतिशत छुट सुविधा पाउने कम्पनीले जनाएको छ । जुन सुविधा उपयोगका लागि वैध नागरिकता प्रस्तुत गर्नुपर्नेछ ।
ट्रेन्डिङ
