भक्तपुरमा दम्पती सवार स्कुटर दुर्घटना हुँदा श्रीमानको मृत्यु
Thankot Times
२०८१ पुष १९ गते १४:०२
थानकोट ।
भक्तपुरमा दम्पती सवार स्कुटर दुर्घटना हुँदा एक जनाको मृत्यु भएको छ ।
मध्यपुर थिमी नगरपालिका-२ मा सानोथिमीबाट मगरगाउँतर्फ जाँदै गरेको बागमती प्रदेश-०२-०२८ प ६६१० नम्बरको स्कुटर आफैँ अनियन्त्रित भएर दुर्घटना भएको जिल्ला प्रहरी परिसर भक्तपुरका डीएसपी ढुण्डीराज नेउपानेले बताए ।
दुर्घटनामा परेका सानोथिमी बस्ने ३१ वर्षीय निश्चल प्रकाशराज भण्डारीको उपचारको क्रममा मृत्यु भएको छ ।
स्कुटर पछाडि सवारी उनकी पत्नी २८ वर्षीया पूजा श्रेष्ठको नर्भिक अस्पतालमा उपचार भइरहेको छ ।
स्कुटर प्रहरी प्रभाग सानोथिमीले नियन्त्रणमा लिएको छ ।
ट्रेन्डिङ
