थानकोट ।

नेपाल विद्युत प्राधिकरणले आज सोमबार चन्द्रागिरि नगरका विभिन्न स्थानमा बिजुली सेवा अवुरुद्ध हुने जनाएको छ ।

गोरखापत्र दैनिकमा एक सूचना जारी गर्दै प्राधिकरणको कुलेश्वर वितरण केन्द्रले थानकोट फिडर अन्तर्गतका विभिन्न क्षेत्रमा मध्यान्हबाट केही घण्टा बिजुली सेवा अवरुद्ध हुने जनाएको हो ।

सो सूचनामा उल्लेख भएअनुसार आज नैकाप, बलम्बु, चुनदेवी, खहरे, दहचोक, दाउराडिपो लगायतका क्षेत्रमा दिउँसो १२ बजेबाट ३ बजेसम्म बिजुली अवरुद्ध हुनेछ ।

यसैगरी नेपाल नेपाल टेलिकम कार्यालय, गोकुल पाटी लगायतका क्षेत्रमा समेत बिजुली सेवा अवरुद्ध हुनेछ ।

प्राधिकरणका अनुसार सो क्षेत्रमा खम्बा बदल्ने कार्यका लागि बिजुली सेवा अवरुद्ध गर्नु परेको हो ।