थानकोट ।

कारोबार हुने साताको पाँचाैं दिन बिहीबार नेपाली बजारमा सुनको मूल्य बढेर कारोबार छ ।

अघिल्लो कारोबार दिन बुधबारको तुलनामा सुनको मूल्य बिहीबार तोलामा ६ सय रुपैयाँले बढेको नेपाली सुनचाँदी व्यवसायी महासंघले जनाएको छ ।

यस दिन छापावाल सुन प्रतितोला एक लाख ५० हजार ३ सय रुपैयाँमा खरिद-बिक्री भइरहेको छ ।

बुधबार छापावाल सुन प्रतितोला एक लाख ४९ हजार ७ सय रुपैयाँमा किनबेच भएको थियो ।

बिहीबार चाँदीको मूल्य भने स्थिर रहेको महासंघले जनाएको छ ।

यसदिन चाँदी प्रतितोला एक हजार ८ सय रुपैयाँमा कारोबार भइरहेको छ ।

हिजो बुधबार पनि चाँदी यही मूल्यमा कारोबार भएको थियो ।