थानकोट ।

कारोबार हुने साताको दोश्रो दिन आज (सोमबार) नेपाली बजारमा सुनको मूल्य बढेको छ।

अघिल्लो कारोबार दिन आइतबार प्रतितोला १ हजार १ सय रूपैयाँ बढेको सुनको भाउ सोमबार प्रतितोला २ सय रूपैयाँ बढेको हो।

नेपाल सुनचाँदी व्यवसायी महासंघका अनुसार आज सोमबार छापावाल सुन प्रतितोला १ लाख ४९ हजार ८ सय रूपैयाँमा कारोबार भइरहेको छ।

हिजो आइतबार छापावाल सुन प्रतितोला १ लाख ४९ हजार ६ सय रूपैयाँमा कारोबार भएको थियो।

त्यसैगरी, आज सोमबार चाँदीको मूल्यमा पनि वृद्धि भएको छ ।

अघिल्लो कारोबार दिन हिजो आइतबार प्रतितोला १ हजार ७ सय ९० रूपैयाँमा कारोबार भएको चाँदी सोमबार प्रतितोला १ हजार ७ सय ९५ रूपैयाँमा किनबेच भइरहेको छ।

यो मूल्य अघिल्लो कारोबार दिनको तुलनामा प्रतितोला ५ रूपैयाँले बढी हो ।