थानकोट ।

थानकोट-चित्लाङ सडक पाैष १७ गतेसम्म बिहान ९ बजेदेखि अपरान्ह ४ बजेसम्म बन्द गरिने भएको छ ।

यसअघि साे सडक आज (पाैष ०७) बाट माघ ६ गतेसम्म पूर्णरूपमा बन्द गरिने सडक डिभिजन कार्यालय काठमाडौंले जानकारी गराएको थियाे ।

आजबाट एक साताका लागि साे सडक बिहान ९ बजेदेखि अपरान्ह ४ बजेसम्म बन्द गरिने र साे पछि सवारीसाधनका लागि खुला हुने गरि व्यवस्था गरिएको बताइएको छ।

सडक विभागले थानकोट-चित्लाङ सडक पूर्णरूपमा बन्द गरि स्तराेन्नति गर्न लागेपछि साे निर्णय अव्यवहारिक भएको भन्दै चर्काे आलोचना भइरहेको छ।