मोटरसाइकलले ठक्कर दिंदा भक्तपुरमा एकजना पैदलयात्रीको मृत्यु
Thankot Times
२०८१ मंसिर ३० गते १०:२७
थानकोट ।
मोटरसाइकलले ठक्कर दिंदा भक्तपुरमा एक जना पैदलयात्रीको ज्यान गएको छ ।
प्रहरी परिसर भक्तपुरका अनुसार रामेछापको दोरम्बा गाउँपालिका-४ घर भई सूर्यविनायक नगरपालिका-१० नलिन्चोक बस्ने ७० वर्षीय निमबहादुर मगरको दुर्घटनाका क्रममा मृत्यु भएको हो ।
भक्तपुरको जगातीबाट साँगातर्फ जाँदै गरेको बा ४६ प ११२७ नम्बरको मोटरसाइकलले नलिन्चोक जोरपाटीमा निमबहादुरलाई ठक्कर दिएको थियो ।
गम्भीर घाइते भएका उनलाई मध्यपुर अस्पताल पुर्याइएकोमा उपचारकै क्रममा शनिबार राति पौने १० बजे मृत्यु भएको प्रहरीले जनाएको छ ।
मोटरसाइकल चालक काभ्रेको बनेपा-६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिएको छ ।
ट्रेन्डिङ
