थानकोट ।

मकवानपुरको थाहा नगरपालिकामा प्रमुख प्रशासकीय अधिकृत फेरिएका छन् ।

हाल कार्यरत कृष्ण गिरीको सरुवा भएसँगै नयाँ प्रमुख प्रशासकीय अधिकृतले थाहामा पदबहाली गरेका छन् ।

गिरी थाहा नगरपालिकामा २० महिना अगाडि पुगेका थिए ।

सरुवा भएका गिरीलाई शुक्रबार एक कार्यक्रमका बीच थाहा नगर प्रमुख विष्णु विष्ट, उपप्रमुख भरत गोपाली लगायतले बिदाई गरे । गिरी काभ्रेको नमोबुद्ध नगरपालिकामा सरुवा भएका हुन।

गिरीले थाहामा बस्दा सहयोग साथ दिने सम्पुर्ण कर्मचारी र जनप्रतिनिधि हरु लाई आभार व्यक्त गरेका छन्।

यसैबीच थाहा नगरपालिकामा सामान्य प्रशासन मन्त्रालयबाट सरुवा भएका सुरेन्द्र प्रधानले प्रमुख प्रशासकीय अधिकृत जिम्मेवारी पाएका छन् ।

प्रधानलाई थाहा नगरपालिकाका प्रमुख विष्णु विष्टले शुक्रबार नगरमा स्वागत गरे ।

थाहा नगरमा कार्यभार सम्हाल्दै प्रधानले सम्पूर्ण जनप्रतिनिधि र कर्मचारीको साथ र सहयोगको अपेक्षा राखेको धारणा राखेका थिए ।