थानकोट ।

नेपाल क्रिकेट संघ (क्यान) ले एसीसी यू-१९ एसिया कप २०२४ का लागि नेपाली टोलीको घोषणा गरेको छ ।

टिमको कप्तानमा हेमन्त धामी रहेका छन् भने उपकप्तानको जिम्मेवारी अर्जुन कुमालले पाएका छन् ।

त्यस्तै, टिममा आकाश त्रिपाठी, उत्तम थापा, मयन यादव, नरेन साउद र युनिस विक्रम सिंह ठकुरी रहेका छन् ।

नरेन भट्ट, सन्तोष यादव, युवराज खत्री, रोशन विश्वकर्मा, विपिन कुमार महतो, अपराजित पौडेल, अविषेक तिवारी र रन्जित कुमार टिममा रहेका छन् ।

शक्ति गौचन टिमको मुख्य प्रशिक्षक रहेका छन् भने धिरेन्द्र चन्द सहायक प्रशिक्षक रहेका छन् ।

आगामी शुक्रबारबाट यूएईमा प्रतियोगिता सुरु हुन लागेको हो ।

मंसिर १४ देखि २३ सम्म चल्ने प्रतियोगितामा नेपालले आफ्नो पहिलो खेल मंसिर १४ मा श्रीलंकासँग खेल्नेछ भने मंसिर १६ मा बंगलादेश र मंसिर १८ मा अफगानिस्तानको सामना गर्नेछ ।