थानकोट ।

चन्द्रागिरि नगरपालिका-१३ नैकाप ठकुरी गाउँबाट नियन्त्रित लागूऔषधसहित एक जना किशोर पक्राउ परेका छन् ।

ट्रामाडोल ३५ ट्याब्लेट, चक्कु १ थान, हातमा प्रयोग हुने नग १ थान र हतौडा १ थान सहित सोही ठाउँ डेरा गरी बस्ने सिन्धुली तिनपाटन गाउँपालिका घर भएका १९ वर्षीय जीवन परियारलाई गए राति प्रहरीले पक्राउ गरेको हो ।

प्रहरी प्रभाग नैकापबाट खटिएको प्रहरीले उनलाई उक्त लागूऔषध सहित पक्राउ गरेको हो ।

उनीमाथि प्रहरी वृत थानकोटबाट थप अनुसन्धान भइरहेको केन्द्रीय प्रहरी समाचार कक्षले जनाएको छ ।