कीर्तिपुर १ को वडाध्यक्ष पदमा ९ जना र कीर्तिपुर ४ को वडाध्यक्ष पदमा १३ जनाको उम्मेदवारी
Thankot Times 
थानकोट ।
रिक्त रहेका कीर्तिपुर वडा नं. १ र वडा नं. ४ को वडाध्यक्ष पदमा समग्रमा २२ जनाले उम्मेदवारी दर्ता गराएका छन् ।
निर्वाचनको निर्धारण गरेको चुनावी कार्यतालिका अनुसार आइतबार सम्पन्न उम्मेदवारको मनोनयन दर्ता कार्यक्रममा कीर्तिपुर नगरपालिका १ को वडाध्यक्ष पदमा ९ जनाले उम्मदेवारी दर्ता गराएका छन् ।
स्थानीय तहको उपनिर्वाचनः कीर्तिपुर नगरको मेयर बन्न ११ स्वतन्त्रसहित २० जनाको उम्मेदवारी
निर्वाचन अधिकृतको कार्यालयले प्रकाशित गरेको उम्मेदवारको अन्तिम नामावली अनुसार कीर्तिपुर नगरपालिका वडा नं. १ मा १ महिलासहित ९ जनाले उम्मेदवारी दर्ता गराएका छन्।
उनीहरू मध्ये तीन जना स्वतन्त्र उम्मेदवार छन् भने बाँकी राजनीतिक दलका उम्मेदवार हुन् ।
यस्तै कीर्तिपुर वडा नंं ४ को वडाध्यक्ष पदमा १२ जनाले उम्मेदवारी दिएका छन् ।
जसमा ३ जना महिला उम्मेदवार छन् । चन्द्रागिरिसँग सीमा जोडिएको कीर्तिपुर ४ मा ४ जना स्वतन्त्र उम्मेदवारले मनोनयन दर्ता गराएका छन् ।
मंसिर १६ मा हुने उपनिर्वचानका लागि आइतबार उम्मेदवारको मनोनयन दर्ता कार्य सम्पन्न भएको छ ।
ट्रेन्डिङ
