थानकोट ।

काठमाडौं जिल्ला खेलकुद विकास समितिले विभिन्न अन्तरार्ष्ट्रिय खेलकुद प्रतियोगिताहरूमा पदक जित्न सफल खेलाडीहरूलाई सम्मान गरेको छ ।

जिल्ला खेलकुद विकास समितिको कार्यालय सानो गाैचरणमा आयोजित कार्यक्रममा अजरबैजानको बाकुमा गत सम्पन्न अन्तरार्ष्ट्रिय बुदो मार्शल आर्टमा प्रतियोगितामा नेपालको तर्फबाट स्वर्ण पदक ल्याउन सफल खेलाडीहरू चन्द्रागिरि नगरका सतिश बलामी, वीरचन्द्र नकर्मी, वृनिश महर्जन, ज्ञानेन्द्र कुमार हमाल तथा प्रमुख प्रशिक्षक वीरकृष्ण महर्जन र निर्णायक पुजा लामा सम्मानित भएका छन् ।

त्यस्तै, समितिले फ्रान्स सम्पन्न पारा ओलम्पिक अन्तर्गत तेक्वान्दोमा ऐतिहासिक पदक जिताउन सफल पलेसा गोवर्धनका प्रशिक्षक चन्द्रागिरि निवासी कविराज नेगीलाई सम्मान गरेको छ ।

काजकस्थानमा सम्पन्न अन्तरार्ष्ट्रिय स्ट्रेन्थ लिफ्टिङ्ग खेलमा नेपलको तर्फबाट स्वर्ण पदक जितेका केदारमान स्थापित र भारतको काश्मिर श्रीनगरमा भएको अन्तरार्ष्ट्रिय म्याराथनमा पदक जित्न सफल चन्द्रागिरिका रेवत दाहाललाई पनि सम्मान गरिएको काठमाडौं जिल्ला खेलकुद विकास समितिका अध्यक्ष भाईकृष्ण बलामीले जानकारी दिए ।