थानकोट ।

चन्द्रागिरि नगरपालिका प्रमुख तथा उपप्रमुखसम्मिलित जनप्रनिधिहरूको टोलीले भक्तपुरको मध्यपुर थिमी नगरपालिकाले सञ्चालन गरिरहेको नगर अस्पतालको अवलोकन गरेको छ ।

मंगलबार मेयर, उपमेयर तथा कार्यपालिका सदस्यहरूसहितको टोली भक्तपुरको थिमीमा रहेको नेपाल कोरिया मैत्री नगरपालिका अस्पतालको अवलोकन गरेको हो ।

सो क्रममा अस्पतालबाट प्रदान गरिएको सेवा सुविधा, अस्पताल सञ्चालन कार्यविधि लगायतका बारेमा मध्यपुर थिमी नगरपालिका नगरप्रमुख सुरेन्द्र श्रेष्ठ, उपप्रमुख विजयकृष्ण श्रेष्ठ लगायतले प्रकाश पारेको चन्द्रागिरि नगरका प्रवक्ता कृष्णप्रसाद खड्गीले जानकारी दिए ।

तस्बिरः पर्शुराम श्रेष्ठ