अन्तर्राष्ट्रिय बुदो मार्सल आर्ट्स: चन्द्रागिरिका खेलाडीलाई ३ स्वर्णसहित ४ पदक
थानकोट ।
अजरबैजानको बाकुमा सम्पन्न अन्तर्राष्ट्रिय बुदो मार्सल आर्ट्स प्रतियोगितामा नेपालले ३ स्वर्ण र १ रजत पदक जितेको छ ।
प्रतियोगिताको ३० केजी ताैल समूहमा ब्रिनिस महर्जन, ७५ केजी समुहमा वीरचन्द्र नकर्मी र ७८ केजी समुहमा सतीस बलामीले स्वर्ण पदक जितेका हुन् ।
ज्ञानेन्द्र कुमार हमालले ५८ केजी समूहमा रजत जितेको प्रशिक्षक वीरकृष्ण महर्जनले सामाजिक सञ्जालमा जानकारी दिएका छन् ।
प्रतियोगितामा वीरकृष्ण महर्जन प्रशिक्षकको रूपमा र पूजा लामा निर्णायकमा रूपमा सहभागी भएका थिए ।