सातदोबाटो चोकमा यात्रु बसमा आगलागी
थानकोट ।
ललितपुरको सातदोबाटोमा रोकिराखेको बसमा आगलागी भएको छ ।
शनिबार दिउँसो पौने पाँच बजेको समयमा रोकिराखेका महानगर यातायातको बा. ४ ख १०४ नम्बरको बसमा आगलागी भएको हो ।
आगलागी भएको केही समयमा नै दमकलको सहयोगमा आगो नियन्त्रणमा लिइएको जिल्ला प्रहरी परिसर ललितपुरका एसपी नवरत्न पौडेलले जानकारी दिए ।
‘आगलागी भएलगत्तै दमकलको सहयोगमा आगो नियन्त्रणमा लिइएको हो ।
बस पूर्णरूपमा जलेको छ, मानवीय क्षति भने हुन पाएन,’ एसपी पौडेलले भने ।
आगलागीको कारण खुलेको छैन । तार सर्ट भएर आगलागी भएको हुन सक्न प्रहरीको अनुमान छ ।
आगलागीका विषयमा थप अनुसन्धान भइरहेको प्रहरीले जनाएको छ ।
तस्बिरः सचिन भुषाल