थानकोट।

काठमाडाैंको सितापाइलामा गाडीको ठक्करबाट एक जनाको मृत्यु भएको छ ।

काठमाडौं महानगरपालिका–१५, सितापाइलास्थित सोल्टी दोबाटो चोकमा बागमती प्रदेश-०१-००२ ज ६७७० नम्बरको इभी गाडीले बा. ४४ प ५९०१ नम्बरको मोटरसाइकललाई आइतबार राति ठक्कर दिएको थियो।

ठक्करबाट घाइते भएका मोटरसाइकल चालक काभ्रेको पनौती बस्ने ३० वर्षीय नवीन परियारलाई स्वयम्भूस्थित मनमोहन अस्पताल लगिएको थियो ।

उनको उपचारको क्रममा मृत्यु भएको हो।

प्रहरीले गाडीका चालकलाई नियन्त्रणमा लिएको छ ।