थानकोट ।

चन्द्रागिरि नगरपालिका-०६ गुमालचोकीस्थित मदन भण्डारी खेल मैदानमा जारी प्रथम चन्द्रागिरि टी-१० क्रिकेट च्याम्पियनसीप प्रतियोगिताको फाइनलमा खेल आज हुँदैछ । 

प्रतियोगिताको फाइनल खेल असोज १२ गतेका लागि तय गरिएकोमा निरन्तरको वर्षाको कारण केही खेल प्रभावित भएपछि नयाँ तालिका अनुसार खेल भएका थिए । 

आज हुने फाइनल खेलमा मैत्रीनगर क्रिकेट क्लब र उडान शैक्षिक केन्द्रबीच प्रतिस्पर्धा हुनेछ ।

मंगलबार सम्पन्न प्रतियोगिताको दोश्रो सेमीफाइनल खेलमा 

स्टम्प जम्पर्सलाई २ विकेटले पराजित गर्दै उडान शैक्षिक केन्द्र उपाधि नजिक पुगेको हो भने दहचोक-१ क्लबमाथि ५० रनको जित दर्ता गर्दै मैत्रीनगर उपाधि नजिक हो ।

खेल बिहान ११ बजेबाट सुरु हुने चन्द्रागिरि क्रिकेट एशोसियसनले जनाएको छ ।