थानकोट ।

मैत्रीनगर क्रिकेट क्लब र उडान शैक्षिक केन्द्र चन्द्रागिरि नगरपालिका-०६ गुमालचोकीस्थित मदन भण्डारी खेल मैदानमा जारी प्रथम चन्द्रागिरि टी-१० क्रिकेट च्याम्पियनसीप प्रतियोगिताको फाइनलमा प्रतिस्पर्धा गर्ने भएका छन् ।

मंगलबार सम्पन्न प्रतियोगिताको दोश्रो सेमीफाइनल खेलमा उडान शैक्षिक केन्द्र स्टम्प जम्पर्सलाई २ विकेटले पराजित गर्दै उपाधि नजिक पुगेको हो । फाइनलमा उडानले मैत्री नगर क्रिकेट क्लबसँग प्रतिस्पर्धा गर्नेछ ।

यसअघि सोमबार सम्पन्न प्रतियोगिताको पहिलो सेमीफाइनलमा दहचोक-१ क्लबमाथि ५० रनको जित दर्ता गर्दै मैत्रीनगर उपाधि नजिक पुगिसकेको छ ।

प्रतियोगिताको फाइनल खेल भोलि बुधबार बिहान ११ बजेबाट सुरु हुने चन्द्रागिरि क्रिकेट एशोसियसनले जनाएको छ ।