थानकोट ।

कास्कीको पोखरास्थित लामाचौरमा जारी आमन्त्रित राष्ट्रिय महिला तथा पुरुष भलिबल प्रतियोगिताको महिलातर्फ आज २ खेल हुँदै छ ।

नव आदर्श सामुदायिक विकास समाजले आयोजना प्रतियोगिता अन्तर्गत बुधबार चन्द्रागिरि नगरपालिका नैकापस्थित न्यु डायमण्ड स्पोर्ट्स क्लबले गण्डकी प्रदेश भलिबल संघको चुनाैती सामना गर्दैछ । यो खेल बिहान ८ बजे सुरु हुनेछ ।

यसअघि मंगलबार सम्पन्न पहिलो खेलमा

टिपटप न्यु डायमण्ड स्पोर्टस क्लबले एभरेष्ट भलिबल क्लबलाई ३–० को सोझो सेटमा पराजित गरेको छ।

पहिलो सेटमा २५–१४ को जित निकालेको न्यु डायमण्डले दोस्रो सेटमा झनै फराकिलो अन्तर २५–१२ को जित दर्ता गराउन सफल भयो। तेस्रो सेटमा २५–१७ को जित निकाल्दै न्यु डायमण्डले सुखद सुरुवात गरेको हो।

महिला तथा पुरुषतर्फ ४-४ टोलीको सहभागिता रहेको छ। प्रतियोगिताको फाइनल खेल २१ गते हुनेछ।

राउण्ड रोबिनको आधारमा हुने प्रतियोगिताको विजेतालेसमान १ लाख ५० हजार १११ रुपैयाँ प्राप्त गर्नेछन्।

उपविजेताले १ लाख १११, तेस्रोले ५० हजार १११ रुपैयाँ नगदको साथमा सिल्ड, मेडल र प्रमाणपत्र प्राप्त गर्नेछन्।

सर्वोत्कृष्ट खेलाडीसहित बेष्ट प्लेयर, बेस्ट क्विकर, बेस्ट लिव्रो, बेस्ट स्पाइकर, बेस्ट ब्लकर, बेस्ट सर्भर, बेस्ट डिफेन्डर र बेस्ट कोचले पनि विधागत पुरस्कार पाउनेछन्।