थानकोट ।

नृत्य निर्देशक संघ नेपाल (डीडान) चन्द्रागिरि नगर कमिटिले आयोजना गरेको दोश्रो नगर स्तरीय तीज नृत्य प्रतियोगिताको उपाधि सतुङ्गलस्थित जेसिस स्कुलले जितेको छ ।

शनिबार सम्पन्न प्रतियोगितामा सहभागी भएका चन्द्रागिरि नगर क्षेत्रका ३१ वटा विद्यालयका प्रतिस्पर्धीहरूलाई पछि पार्दै जेसिसले उपाधि जितेको हो ।

प्रतियोगितामा चेकपोष्टस्थित ब्राइट एन्जेलस् दोश्रो र नैकापस्थित गोल्डेन फ्लावर स्कुलले तेस्रो स्थान हात पार्न सफल भएका छन् ।

प्रतियोगिताका विजयीहरूलाई बागमती प्रदेश सभा सदस्य रमा आलेमगर लगायतले पुरस्कार वितरण गर्नुभएको आयोजक संस्था नृत्य निर्देशक संघ नेपाल (डीडान) चन्द्रागिरि नगर कमिटिले जनाएको छ ।