थानकोट

चन्द्रागिरि नगरपालिका-०१ दहचोकको टोटी टोलबाट साइकल र मोबाइल चोरी गरेको अभियोगमा एक युवा प्रहरी नियन्त्रणमा लिइएका छन् ।

रातो रङको साइकल र एक थान मोबाइल चोरी गरी साथमा लिई हिँडिरहेको अवस्थामा प्रहरी प्रभाग बलम्बुबाट खटिएको प्रहरी टोलीले २० वर्षीय किसान श्रेष्ठलाई शुक्रबार नियन्त्रणमा लिएको हो ।

नुवाकोट घर भएका श्रेष्ठ हाल चन्द्रागिरि नगरपालिका वडा नं. ४ थानकोट बस्दै आएको प्रहरी प्रभाग बलम्बुले जनाएको छ ।

उनीमाथि थप अनुसन्धानका लागि फेला परेको साइकल र मोबाइलसहित प्रहरी वृत्त थानकोटमा पठाइएको प्रहरी प्रभाग बलम्बुका प्रमुख प्रहरी निरीक्षक उपेन्द्र प्रसाद आचार्यले जानकारी दिनुभयो ।