थानकोट ।

चन्द्रागिरि नगरपालिका-१५ तीनथानास्थित विष्णुदेवी मन्दिर क्षेत्रमा सोमबार आयोजित शिवगंगा आरती हेर्न अपूर्व भीड जम्मा भएको  छ।

गतवर्षबाट सुरु भएको आरती सोमबार ५७औं सातामा प्रवेश गरेको बताइएको छ ।

आज साउन महिनाको अन्तिम सोमबार भएका कारण समेत आरतीमा सहभागी हुनेहरूको संख्या उल्लेख्य रहेको हो ।

आरतीमा सहभागी हुन चन्द्रागिरि नगरका मेयर घनश्याम गिरी, वडाध्यक्ष घनश्याम लुँइटेल लगायत तीनथानास्थित विष्णुदेवी मन्दिर परिसर पुगेका थिए ।

चन्द्रागिरि नगरपालिका-१५ तीनथानास्थित विष्णुदेवी मन्दिर क्षेत्रमा हरेक सोमबार सन्ध्याकालीन आरती आयोजना हुँदै आएको छ भने मातातिर्थ कुण्ड क्षेत्रमा हरेक औंशीका दिन आरती आयोजना हुँदै आएको छ ।