थानकोट ।
चन्द्रागिरि नगरपालिकामा रहेका संस्थागत विद्यालयहरूमा चालु शैक्षिक वर्षमा ३ हजार २ सय ४७ जनाले छात्रवृत्ति पाएका छन् ।

नगरपालिकामा प्राप्त निवेदन दिएको आधारमा नगरमा सञ्चालनमा रहेका ५० वटा संस्थागत विद्यालयहरुमा नर्सरी देखि कक्षा १० सम्मको अध्ययनका लागि उक्त छात्रवृत्ति कार्यक्रम संचालन भएको हो।

चन्द्रागिरि नगरको गत वैशाख ४ गतेको निर्णानुसार नगर क्षेत्रमा सञ्चालित संस्थागत विद्यालयहरूमा चन्द्रागिरि नगरपालिका छात्रवृति व्यवस्थापन कार्यविधि २०७९ को परिच्छेद-४ दफा ७ को उपदफा (३) बमोजिम नगरपालिकाको छात्रवृत्ति बैंकबाट सो छात्रवृत्ति वितरण गरिएको बताइएको छ ।