थानकोट ।

गत जेठ २० गते कीर्तिपुर नगरपालिका वडा नं. १० कुसोचबाट हराएको बा. प्र.०२-०४६ प २००७ नं. भएको मोटरसाईकल गए राति सतुङ्गलमा फेला परेको छ ।

प्रहरी वृत कीर्तिपुरमा स्थानीय ३६ वर्षीय शनिस शाक्यले मोटरसाइकल खोजीका लागि निवेदन दिएकोमा प्रहरी प्रभाग बलम्बुबाट समेत खोज तलास भइरहेको सन्दर्भमा हिजो असार २७ गते चन्द्रागिरि नगरपालिका-१० बुद्ध मन्दिरमा नम्बर परिवर्तन गरिएको अवस्थामा सो मोटरसाइकल फेला परेको हो ।

प्रहरी प्रभाग बलम्बुले शुक्रबार सो मोटरसाइकल शनिसलाई हस्तान्तरण गरेको छ ।