थानकोट ।

चन्द्रागिरि नगरपालिकाले मनसुनजन्य विपद व्यवस्थापनका लागि ब्यूरो गठन गरेको छ ।

नगरले सबै १५ वटै वडामा विपद् ब्यूरो गठन गरेको हो ।

चन्द्रागिरि नगर सभा सदस्यको संयोजकत्वमा गठन गरिएको सो ब्युरोले सम्बन्धित वडामा हुन सक्ने विपद् व्यवस्थापनमा सहजीकरण गर्ने बताइएको छ ।

यसैबीच चन्द्रागिरि नगरपालिकाले नगर क्षेत्रमा विपद् आइलागेमा आपतकालीन अवस्थामा सम्पर्क गर्न फोन नम्बर सार्वजनिक गरेको छ । नगर क्षेत्रमा विपदको अवस्था भएमा नगरका मेयर, उपमेयर, वडाध्यक्ष, विपद् ब्यूरोका संयोजक तथा स्थानीय सुरक्षा निकायका यूटिटहरूमा सम्पर्क गर्न सकिने चन्द्रागिरि नगरले जनाएको छ ।