बलम्बुमा किशोरीलाई बन्धक बनाई जबरजस्ती करणी गरेको अभियोगमा समातिए २६ वर्षीय पुरुष
Thankot Times
२०८१ असार २० गते १४:३६
थानकोट ।
प्रहरी प्रभाग बलम्बुले चन्द्रागिरि नगरपालिका-१२ बलम्बुबाट एक युवालाई नियन्त्रणमा लिएको छ ।
१६ वर्षीया किशोरीलाई जबरजस्ती करणी गरेको अभियोगमा बलम्बु बस्दै आएका नुवाकोट बेलकोटगढी गाउँपालिका घर भएका २६ वर्षीय पुरुषलाई बुधबार राति प्रहरीले पक्राउ गरेको हो ।
पीडित किशोरीलाई चन्द्रागिरि नगरपालिका-१२ स्थित घरमा विगत १०-१२ दिनदेखि बन्धक बनाई जबरजस्ती करणी गरेको भन्ने उजुरीको आधारमा प्रहरी प्रभाग बलम्बुबाट खटिएको प्रहरीले ती युवालाई पक्राउ गरेको केन्द्रीय प्रहरी समाचार कक्षले जनाएको छ ।
उनीमाथि थप अनुसन्धान जारी रहेको प्रहरीको भनाइ छ।
ट्रेन्डिङ
