कक्षा ११ मा के पढ्ने ? नैकापस्थित सान इन्टरनेशनल कलेजमा दुई दिने एडु इन्फो फेयर सुरु
Thankot Times
२०८१ असार १० गते ११:०३
थानकोट ।
माध्यमिक शिक्षा परीक्षा (एसइइ) दिएर बसेका विद्यार्थीहरूका लागि लक्षित गर्दै चन्द्रागिरि नगरपालिका नैकापस्थित सान इन्टरनेशनल कलेजले सोमबारबाट एडु इन्फो फेयर सुरु गरेको छ ।
दुई दिने कार्यक्रममा कक्षा ११ मा के विषय पढ्ने, कहाँ पढ्ने लगायतका विषयमा जानकारी दिइने सो कलेजका अध्यक्ष डा. सुभाष घिमिरेले जानकारी दिनुभयो ।
सान एजुकेशन एण्ड स्कील इन्फो फेयर नाम दिइएको सो कार्यक्रम भोलि मंगलबारसम्म जारी रहने बताइएको छ ।
बिहान ७ बजेबाट सुरु भएको कार्यक्रम साँझ ४ बजेसम्म जारी रहनेछ ।
गतवर्ष सञ्चालित एसइइ परीक्षाको नतिजा यसै साता प्रकाशित गर्ने तयारीमा राष्ट्रिय परीक्षा बोर्ड जुट्दा कक्षा ११ मा नयाँ भर्ना लिन शैक्षिक संस्थाहरूले विभिन्न कार्यक्रम सञ्चालन गरिरहेका छन् ।
ट्रेन्डिङ
