थानकोट ।

साेल्टीमाेडस्थित काठमाडौ कलेज अफ सेन्ट्रल स्टेटमा एसईई ३×३ बास्केटबल प्रतियोगिता सम्पन्न भएको छ।

शुक्रबार र शनिबार चलेको उक्त प्रतियोगिताकाे उपाधि मनासलु वर्ल्ड स्कुल कलेज टिमबाट सहभागी भएका विद्यार्थीहरुले हात पारेका छन्।

उपाधिसहित मनासलुका विद्यार्थीहरुले नगद रु. १० हजार सहित, ट्रफी, मेडल र प्रमाणपत्र प्राप्त गरे।

टाइम आउट क्लबबाट प्रतिनिधित्व गरेका विद्यार्थीहरुले दाेश्राे स्थानमा चित्त बुझाउँदा ५ हजार रुपैयाँ, ट्रफी र मेडल तथा प्रमाणपत्र प्राप्त गरे।

मनासलु वर्ल्ड स्कुलका शृजित शाहले बेस्ट प्लेयर अवार्ड प्राप्त गरे ।

माध्यमिक शिक्षा परीक्षा एसईई दिएर बसेका विद्यार्थीहरुलाई लक्षित आयोजित प्रतियोगितामा २० वटा टिम सहभागी रहेको थियो।

बास्केटबल प्रतियोगिताको पुरस्कार वितरण समारोहलाई संक्षिप्त सम्बाेधन गर्नुहुँदै कलेजका एकेडेमी डाइरेक्टर टंक गैरेले उत्कृष्ट खेलाडीहरुलाई कक्षा ११ मा भर्ना हुँदा छात्रवृत्ति प्रदान गरिने बताउनुभयो।

त्रिभुवन विश्वविद्यालयका विद्यार्थी कल्याण तथा खेलकुद निर्देशनालयका निर्देशक डा. पशुपति अधिकारीले शुक्रबार प्रतियोगिताको उद्घाटन गर्नुभएको थियाे ।

तस्बिर: विद्यार्थी