थानकोट । 

चन्द्रागिरि नगरपालिका ०७ महादेवस्थानमा शनिबार आयोजित निःशुल्क आँखा शिविरमा २७० जनाले सेवा लिएका छन् । 

नेपाल आँखा अस्पताल त्रिपुरेश्वरको प्राविधिक सहयोग एवं शहरी स्वास्थ्य केन्द्रसँगको सहकार्यमा आयोजित सो शिविरबाट २० जनामा मोतिबिन्दुको लक्षण देखिएको बताइएको छ ।

मोतिबिन्दुको लक्षण देखिएकाहरूको नेपाल आँखा अस्पताल त्रिपुरेश्वरमा शल्यक्रिया गरिने वडाध्यक्ष शम्भुकुमार केसीले जानकारी दिनुभयो ।

जसका लागि लाग्ने शुल्क वडा कार्यालयले व्यहोर्ने छ ।