थानकोट ।
मकवानपुरको थाहा नगरपालिकास्थित इन्द्रायणी चौरमा जारी पाँचौं संस्करणको थाहा गोल्डकपको फाइनल समीकरण पूरा भएको छ।
साेमबार सम्पन्न पहिलो सेमिफाइनल खेलमा ऋषेश्वर-११ विजयी हुँदै फाइनलमा प्रवेश गरेको छ।

ऋषेश्वर -११ सक्रिय युवा क्लबलाई ८-२ गोलको फराकिलो गोलले पराजित गर्दै फाइनल प्रवेश गरेको हो।

आज नै भएको दोश्रो सेमिफाइनलमा चित्लाङ खेलकुद विकास समितिले ट्राइबेकरमा चन्द्रागिरिकाे कुर्दन एकेडेमीलाई पराजित गर्दै उपाधि नजिक पुगेको छ।

खेलकाे निर्धारित समयमा दुई दुई गोलको बराबरी भएपछि प्रतियोगिता पेनाल्टी सुटआउटमा चित्लाङले ७-६ को नतिजा निकाल्दै फाइनलमा पुगेको हो।

फाइनल भाेलि जेठ १५ गते मध्याह्न १२:३० बजेे इन्द्रायणी चौरको खेल मैदानमा हुने आयोजकले जनाएको छ।

थाहा नगरपालिका खेलकुद विकास समितिको आयोजना तथा शिखर क्लबकाे व्यवस्थापनमा जारी प्रतियोगिताको विजेताले नगद २ लाख र उपविजेताले नगद १ लाख रुपैयाँसहित शिल्ड, मेडल र प्रमाणपत्र प्राप्त गर्नेछन् ।