थानकोट ।

भोलि शनिबार चन्द्रागिरि नगर क्षेत्रमा विभिन्न स्थानमा विद्युत सेवा अवरुद्ध हुँदैछ ।

नेपाल विद्युत प्राधिकरणका अनुसार बलम्बु उपवितरण केन्द्रको थानकोट फिडर अन्तर्गत पर्ने नैकाप, बलम्बु, चुन्देबी, खहरे, दहचोक,  गुर्जुधारा, राधाकृष्ण टोल, हाइभिजन कोलोनी, पशु विकास केन्द्र वरपरको क्षेत्र, सृजनाचोक लगायतका स्थानमा बिहान १० बजेबाट अपरान्ह ३ बजेसम्म विद्युत सेवा अवरुद्ध हुनेछ ।

सो स्थानमा कन्डक्टर स्तरोन्नतिको कार्यका विद्युत सेवा विच्छेद गर्न लागिएको प्राधिकरणको भनाइ छ ।

निर्धारित समय अगावै कार्य सम्पन्न भएमा विद्युत सेवा निर्धारित समयअघि नै सुचारू हुने समेत प्राधिकरणले विज्ञप्ती मार्फत जानकारी गराएको छ ।