थानकोट ।

३३औं स्थापना दिवसका अवसरमा चन्द्रागिरि नगरपालिका-१० सतुगंलमा रहेको काठमाडाैं शिक्षा क्याम्पसले नगर क्षेत्रका सामुदायिक विद्यालयमा कार्यरत इच्छुक शिक्षक तथा कर्मचारीहरूको क्षमता अभिवृद्धि गराउने उद्देश्यले ग्राफिक्स डिजाइनिङका बारेमा सैद्धान्तिक र व्यवहारिक तालिम कार्यक्रम सञ्चालन गर्ने भएको छ ।

विश्वविद्यालय अनुदान आयोगको सहयोगमा सामाजिक उत्तरदायित्व कार्यक्रमअन्तर्गत चन्द्रागिरि नगरका विद्यालयका करिब ५० जना शिक्षक तथा कर्मचारीहरू सो तालिम दिन लागिएको क्याम्पस प्रमुख शत्रुघ्नप्रसाद गुप्ताले जानकारी दिनुभयो ।

बैशाख २१ गतेबाट क्याम्पसको सेमिनार हलमा आयोजना हुने तालिका कार्यक्रम बैशाख २७ गतेसम्म जारी रहने बताइएको छ । सो तालिम कार्यक्रममा काठमाडाैं शिक्षा क्याम्पसका २ तथा बाह्य ५ गरी सात जना प्रशिक्षकले प्रशिक्षण दिने क्याम्पसले जनाएको छ। तालिम कार्यक्रम बिहान ८ देखी दिउँसो ३ बजेसम्म जारी रहनेछ ।

सो तालिम कार्यक्रमको गत शनिबार क्याम्पस स्थापना दिवसको अवसरमा बागमती प्रदेश मन्त्री रमा आलेमगरले उद्घाटन गरिसक्नुभएको छ ।