थानकोट । 

प्रहरी प्रभाग बलम्बुले चन्द्रागिरि नगरपालिका-१० सतुगंलस्थित धाैलागिरि आवास नजिकैबाट पाँच जना युवालाई नियन्त्रणमा लिएको छ । 

प्रहरीका अनुसार चैत्र २ गते दिउँसो करिब पाैने ३ बजे सतुगंल-मातातीर्थ सडक खण्डमा यूवाहरु भेला जम्मा भई लागु पदार्थ सेवन तथा कारोबार भई रहेको भन्ने विशेष सुचनाको आधारमा प्रभाग बलम्बुबाट खटिएको प्रहरी टोलीले उक्त स्थानमा गई सोधपुछ गर्दा १९ र २० वर्ष उमेर समुहका पाँच जना युवाहरूले प्रहरी माथि नै खुकुरी देखाइ आक्रमण गर्न खोजेपछि उनीहरूलाई नियन्त्रणमा लिइएको हो । 

नियन्त्रणमा लिइएका सबै युवाहरूलाई काठमाडाैं जिल्ला अदालतबाट म्याद थप गरि अनुसन्धान कार्य जारी रहेको प्रहरी प्रभाग बलम्बुले जनाएको छ ।

पक्राउ पर्नेमा सिराहाका १९ वर्षका सुरेश साह, मकवानपुरका १९ वर्षीय समुन्द्र तामाङ, सुनसरीका २० वर्षीय अभिशेष राई, उयदपुरका २० वर्षीय आषिस शाही र झापाका २० वर्षीय सन्देश गुरुङ रहेका छन् ।