थानकोट ।

नैकापस्थित सान इन्टरनेशनल कलेजले २४ औं स्थापना दिवस माघ २८ गते आइतबार मनाउने भएकाे छ ।

चन्द्रागिरि नगरपालिका १४ नयाँ नैकापस्थित कलेजको नवनिर्मित आफ्नै भवनमा मनाइने स्थापना दिवसमा प्रतिनिधि सभाका उपसभामुख इन्दिरा रानामगर प्रमुख अतिथिका रुपमा निम्त्याइने कलेजका संस्थापक अध्यक्ष समेत रहनुभएका डा. सुवास घिमिरेले जानकारी दिनुभयो ।

कक्षा ११ देखि स्नातकाेत्तर तहसम्म अध्ययन अध्यापन हुने साे कलेज यसअघि काठमाडौं महानगरपालिका नक्सालमा सञ्चालन हुँदै आएकाेमा यसै वर्षदेखि चन्द्रागिरि नगरपालिका-१४ नैकाप स्थानान्तरण भइ सञ्चालनमा आएकाे बताइएको छ ।

कलेजको स्थापना दिवस समारोहमा संघीय सांसदहरू कृष्णगाेपाल श्रेष्ठ, राजेन्द्रकुमार केसी, प्रदेश सभा सदस्यहरु केशव पाेेखरेल, रमा आलेमगर, यमुनादेवी श्रेष्ठ, विन्दु श्रेष्ठ, चन्द्रागिरि नगरका नगरप्रमुख घनश्याम गिरी, काठमाडौं महानगरमा उपप्रमुख सुनिता डंगोल, चन्द्रागिरि नगरका उपप्रमुख बसन्ती श्रेष्ठ लगायतलाई आमन्त्रण गरिएको कलेजले जनाएको छ ।

कार्यक्रम बिहान ८ बजेबाट सुरु हुनेछ ।

पूर्वाञ्चल विश्वविद्यालयबाट सम्बन्धन प्राप्त गरेकाे कलेजमा कक्षा  ११ मा विज्ञान, स्नातक तहमा बबीए, बिएससी बायाेटेक तथा स्नातकोत्तर तहमा एमबिए अध्ययन अध्यापन हुँदै आएको छ ।