थानकोट । 

चन्द्रागिरि नगरपालिका-१५ तीनथानास्थित सुन्दरवन स्कुल अफ साईन्सका संस्थापक प्रधानाध्यापक धुर्वप्रसाद आचार्यको निधन भएको छ । 

नेपाल सरकारका पूर्व प्रशासक समेत रहेका ८० वर्षीय आचार्यको बिहीबार उपचारका क्रममा निधन भएको बताइएको छ ।

आचार्य शिक्षाविद्का रूपमा समेत परिचित हुनुहुन्थ्यो । 

दिवंगत आचार्यको बिहीबार नै अन्तिम संस्कार गरिएको समाजसेवी नविन महर्जनले जानकारी दिनुभयो ।